قصة غرام
لعنبو قصة غرام كل أبوها كلمتين=ابتدينا عند احبك وانتهينا عند بــاي
تونا ما مشينا فالهوى خطوتين=وانتهى الموضوع كله حتى ما أعرف وش خطاي
انتهت قصة حياتي بكل سهوله تحكمين=وين احبك؟وين أريدك؟وين ساكن في حشاي
يمكن أنك ماوفيتي يوم جيتي تعشقين=ويمكن انك تحسبيني بتبعك من غير راااي
ويمكن أصلا ماعشقتي بس كنتي تلعبين=ويمكن انك ماوصلتي في هواك لمستواي
ويمكن إني ماعرفتك في الحقيقه وش تبين=ويمكن إني خنت نفسي يوم أعطيتك وفاي
علميني في الهوى ياجاهله وش تعرفين=تعرفين انك غديتي شي يجري في دماي
علميني في العطاء والتضحيه وش تفهمين=نعنبو حيك عشانك بعت اقرب اقرباي
كنت أحطك في عيوني تسرحين وتمرحين=كنت أشيل هموم قلبك وارمي همومي وراي
كنت أطير من السعاده يوم أشوفك تضحكين=كنت أذيب في هواك مثل سكر وسط ماي
كنت نايم في العسل وارسم من الفرحه سنين=كنت أظنك قلب عاشق ماسكن وسطه سواي
ماوعيت الآ وأنتي في خفوقي تطعنين=ماوعيت الآ وسيفك في الحشا رايح وجاي
ورده أي والله ورده بس عرفتي تجرحين=كل شي فيني جريح الآ فخامة كبريأي
ماتاثرت بغيابك ويش يعني دمعتين=بكره أنسى صدقيني وارجع بكامل قواي
ادري أن إحنا افترقنا بس بفهم حاجتين=علميني وش كسبتي؟علميني وش خطاي؟
أصلا الموضوع كله ماتعدى كلمتين=التقينا عند احبك وافترقنا عند باي..
م
ل
ت
و
و
و
ش
ملتوووش
الأحد مارس 30, 2008 2:19 pm
